បច្ចេកវិទ្យា១០ ដែល​កំពុងផ្លាស់​ប្តូរពិភពលោក

នៅទសវត្សរ៍ឆ្នាំ 1950 និង 1960 គេបានទស្សន៍ទាយថានៅទសវត្សរ៍ឆ្នាំ 2000 នឹង​មាន​រថយន្តអាច​ហោះហើរបាន ហើយជំនួយការមនុស្សយន្ដនឹង​ក្លាយជាផ្នែកមួយនៃជីវិតប្រចាំថ្ងៃរបស់យើង។ តែ​ផ្ទុយ​ទៅវិញ យើងបែរ​ជា​រស់នៅក្នុងពិភពមួយដែលគ្របដណ្តប់ដោយប្រព័ន្ធផ្សព្វផ្សាយបន្តផ្ទាល់ ទូរស័ព្ទ​ឆ្លាតវៃ និងបណ្តាញសង្គម។

សព្វថ្ងៃនេះ យើងកំពុងស្ថិតនៅចំកណ្តាលនៃការរីកចំរើនផ្នែកបច្ចេកវិទ្យាមួយផ្សេងទៀត ដូចជា​រថយន្ត​បើកបរដោយខ្លួនឯង និងជំនួយការមនុស្សយន្តដែលកំពុងស្ថិតនៅក្នុងការអភិវឌ្ឍ។ មិន​យូរ​ប៉ុន្មាន, បច្ចេកវិទ្យាទាំងនេះ និងបច្ចេកវិទ្យាដ៏គួរឱ្យរំភើបដទៃទៀត នឹង​ក្លាយជាវិធីចម្បងក្នុង​ការ​ផ្លាស់​ប្តូរពិភពលោក។

១. ឧបករណ៍​បញ្ជា​ដោយ​សម្លេង (Voice Assistants)

គេរំពឹងថា ក្នុងរយៈពេល ៤ឆ្នាំទៅមុខទៀត គ្រួសារអាមេរិកភាគច្រើននឹងមានឧបករណ៍​ជំនួយការ​​សំលេងដូចជា Amazon Echo, Apple Homepod និង Google Home ក្នុង​គេហដ្ឋាន​របស់​ពួកគេ។ ឧបករណ៍ជំនួយការសម្លេងកំពុងតែមានឥទ្ធិពលយ៉ាងខ្លាំងទៅលើទីផ្សារពិភពលោក ហើយអ្នក​អង្កេតមួយចំនួនរំពឹងថានៅពេលអនាគតយើងនឹងទាក់ទងជាមួយបច្ចេកវិទ្យាតាមរយៈសម្លេងជាជាងអត្ថបទ។

២.​ CRISPR

CRISPR (Clustered Regularly Interspaced Short Palindromic Repeats) គឺជាបច្ចេកវិទ្យា​ពុះហ្សែនដែលមានសមត្ថភាពស្វែងរកនិងដកចេញនូវផ្នែក DNA ដែលបានផ្លាស់ប្តូរ។

ដូច្នេះ​ជំងឺ​ហ្សែនមួយចំនួនដែលមិនអាច​ព្យាបាលជា​ដូចជាជម្ងឺ Huntington's (ជម្ងឺតំណពូជដែល​បណ្តាល​ឱ្យ​ស្លាប់កោសិកាខួរក្បាល) និងជម្ងឺcystic fibrosis (ជំងឺតំណពូជដែលប៉ះពាល់ដល់ក្រពេញ Exocrine) នឹងត្រូវបានព្យាបាលជាដោយ CRISPR។

៣. ជំនួយការមនុស្សយន្ត

ក្រុមហ៊ុននានាដូចជាក្រុមហ៊ុន Boston Dynamics បានបង្កើតនូវជំនួយមនុស្សយន្តជាច្រើន​ដែល​អាច​ប្រើនៅក្នុងរោងចក្រឬនៅសមរភូមិ។ ក្រុមហ៊ុននេះកំពុងធ្វើការអភិវឌ្ឍមនុស្សយន្តឆ្លាតដែលធ្វើ​ប្រតិបត្តិការយ៉ាងមានប្រសិទ្ធភាពក្នុងពិភពពិត។

៤. Augmented Reality (AR)

AR គឺជាទិដ្ឋភាពដោយផ្ទាល់ ឬដោយប្រយោលនៃបរិយាកាសពិតនៃពិភពលោកដែលធាតុ​ត្រូវបានបន្ថែម (ឬបំពេញបន្ថែម) ដោយការបញ្ចូលសូរស័ព្ទដែលបង្កើតដោយកុំព្យូទ័រ​ដូចជា​សម្លេងវីដេអូក្រាហ្វិក​​ ឬទិន្នន័យប្រព័ន្ធ GPS។

៥. Regenerative medicine

Regenerative medicine គឺជាវិធីសាស្រ្តថ្មីមួយក្នុងការព្យាបាលរបួស​ និងជំងឺដែលប្រើ​ជាលិកា ​និង​កោសិកាជាពិសេសកោសិកាដើម និងសមាសធាតុដែលធ្វើដោយមន្ទីរពិសោធន៍​និងសរីរាង្គ​សិប្បនិម្មិត​។​

ក្រុមហ៊ុនមួយឈ្មោះ Organovo, បានបង្កើតម៉ាស៊ីនព្រីនដែលមានសមត្ថភាពបោះពុម្ព​ផ្នែកសារពាង្គកាយជារូបភាព 3D។ បច្ចេកវិទ្យាថ្មីនេះនឹងមានអានុភាពកាន់តែខ្លាំងឡើង​ដែលផ្តល់​ជូនអ្នកជំងឺនូវការជំនួសសរីរាង្គសង្គ្រោះជីវិត។

៦. រថយន្តគ្មានអ្នកបើកបរ

ក្រុមហ៊ុនផលិតរថយន្តដូចជា Tesla, General Motors និង Volvo បានបង្កើតរថយន្ត​ពាក់កណ្តាល​ស្វយ័ត​រួចទៅហើយ។ ប៉ុន្តែបច្ចេកវិទ្យាបើកបរដោយខ្លួនឯងកំពុងវិវត្តយ៉ាងឆាប់រហ័ស។ ក្រុមហ៊ុន General Motors បានប្រកាសថាខ្លួននឹងបើកដំណើរការរថយន្តមួយដែលមិនមានចង្កូត​ឬយានយន្ត​នៅឆ្នាំ 2019។

ក្រុមហ៊ុន Uber កំពុងដឹកនាំការបើកយានយន្តហោះគ្មានអ្នកបើកបរនិងបានសហការជាមួយ​អង្គការ​ណាសាដើម្បីអភិវឌ្ឍប្រព័ន្ធគ្រប់គ្រងចរាចរខ្យល់។ ក្រុមហ៊ុន Uber ក៏កំពុងធ្វើការជាមួយ​ក្រុមហ៊ុនផលិតយន្តហោះដើម្បីអភិវឌ្ឍគម្រោង​គំរូដោយមាន​បំណងចាប់ផ្តើមកម្មវិធីបែតានៅឆ្នាំ 2020 ។

៧. រ៉ុកកែតប្រើប្រាស់ឡើងវិញ

ការចំណាយច្រើនបំផុតនៃការរុករកអវកាសគឺការកសាងរ៉ុកកែតដែលមានសមត្ថភាពនិងទំនើបដែលមានសមត្ថភាពដឹកជញ្ជូនឧបករណ៍រាប់ពាន់ផោនទៅក្នុងអវកាស។ការពិតដែលថាយើង​បានរក​ឃើញ​ពីរបៀបដែលរ៉ុកកែតអាចចុះចតលើដីវិញនឹងជួយកាត់បន្ថយថ្លៃដើមនៃការធ្វើដំណើរអវកាស។

៨. រូបិយប័ណ្ណអេឡិចត្រូនិក

Bitcoin គឺជាទ្រព្យសម្បត្តិឌីជីថល និងប្រព័ន្ធទូទាត់ដែលបង្កើតឡើងដោយ Satoshi Nakamoto ដែល​បានបោះពុម្ភផ្សាយនៅក្នុងឆ្នាំ 2008 ដែលបច្ចុប្បន្ន​តម្លៃរូបិយវត្ថុនេះមានតម្លៃរាប់ពាន់ដុល្លារក្នុង​មួយ​​កាក់។

៩. កុំព្យូទ័រ Quantum

កុំព្យូទ័រធម្មតាប្រើស៊េរីនៃសូន្យនិងមួយដើម្បីទំនាក់ទំនងព័ត៌មាន តែកុំព្យូទ័រ Quantumពឹងផ្អែកលើ quantum bits ដើម្បីយកព័ត៌មានកាន់តែប្រសើរជាងកុំព្យូទ័រធម្មតា។

ខណៈពេលដែលបច្ចេកវិទ្យានៅតែស្ថិតនៅក្នុងដំណាក់កាលដំបូងក្រុមហ៊ុនយក្សដូចជា Microsof និង Google កំពុងវិនិយោគរាប់ពាន់លានដុល្លារក្នុងការអភិវឌ្ឍកុំព្យូទ័រទំនើបដែល​មានសមត្ថភាព​អភិវឌ្ឍគំរូព្យាករណ៍ដ៏ត្រឹមត្រូវ។ ម៉ូដែលទាំងនេះអាចត្រូវបានប្រើប្រាស់យ៉ាងទូលាយរាប់​ចាប់​ពីរថយន្ត​បើកបរដោយខ្លួនឯងរហូតដល់យុទ្ធនាការទីផ្សារ។

១០. ប្រាជ្ញាសិប្បនិម្មិត និងស្វ័យប្រវត្តិកម្ម

យីហោធំ ៗ មួយចំនួនរបស់ពិភពលោកកំពុងងាកទៅរកស្វ័យប្រវត្តិកម្មដើម្បីបម្រើអតិថិជន​ឱ្យ​កាន់​តែ​ប្រសើរនិងកាត់បន្ថយការចំណាតួយ៉ាង បណ្តាញប្រព័ន្ធផ្សព្វផ្សាយសង្គមប្រើស្វ័យប្រវត្តិកម្ម​ដើម្បី​សម្របសម្រួលមតិយោបល់ហើយក្រុមហ៊ុនកាតឥណទានប្រើវាដើម្បីរកមើលការក្លែងបន្លំ។

វិទ្យាសាស្រ្ត និងបច្ចេកវិទ្យាពិតជាដើរលឿនខ្លាំងណាស់ ហើយកំពុងតែផ្លាស់ប្តូរពិភពលោកយើងយ៉ាង​ឆាប់រហ័សផងដែរ។​ ​ដូចនេះ​ យើងគួរ​តែតាមដាន​និង​ស្វែងយល់​បន្ថែមពីបច្ចេកវិទ្យាថ្មីៗ ដើម្បី​ដើរឲ្យ​ទាន់​សម័យកាល៕

អត្ថបទដោយ៖ ហុង ច័ន្ទដារ៉ា

ប្រភព៖ Entrepreneur